"Sheesha baar or hamari nojawan nasal.."

Guzishta dino mukhtakif ilakon may kaim aisay hotalon or restoraan k khilaaf chapa maar karwai ki gai  jahan hamari nasal ki tabahi ka bais bannay wala hukka jissay ab sheesha k naam say bhee jana jata hy bakasrat or ba aasani

dastyaab tha. hukumati idaron nay kabil e tahseen kadam uthaya or barwakt karwai kartay huay kuch zimmadaar afrad ko hirasat may lay lia aisay ikdamat ko jald lana chahiya tha lakin phir bhee dair aey durust aey k masdaak ya aik acha kadam tha taham zaroorat is amar ki hay k ab aisay intizamat kiay jain k jin say hamari nai nasal ko ainda aisi buraion say bacha kar apnay mustakbil ko mahfooz kia ja saky.isi k sath hamay un wajuhaat par bhee tawajjo dani chahiya k jo nojawano ko is galat raastay par lay jany ki zimmadar hain.jab tak ham un bunyadi masail ko hal nahi kar laity tab tak bay rah ravi ka raasta band nahi ho sakta.maslan muasharti nahamwarion nay tarha tarha k masail ko

janam dia hay isi tarha aaj kal media ka barhta hua asar nai nasal ko glamour ki dunia ki taraf khanchta hy or wo khud ko kisi film ka hero samjhty huay hakiki dunia say door hotay chaly jarahy hain.un ki batain afsanwi or khawaishat gair hakiki ho chuki hain masail ka saamna karny or un ko hal karny ki koshish k bajaey wo rahay farar ikhtayar karny lagay hn.is k ilawa walidain ki gaflat bhee asay masail ka bais hy k jo jawano ko galat rah par lay janay ka mojab ban rahi hay. ham jantay hain k insaan aik samaji  janwar hay isay

tanha rahna kbhi bhee pasand nahi raha lahaza tanhai k shikaar nojawan amooman aisi sargarmion may jaldi mulawwis hojaty hn jo ikhlaki girawat ka sabab hoti hn or jab baat agay barhti hy to yahi sargarmian unhay jurm ki dunia may lay jati hain k jahan say wapsi kay raastay mahdood hotay chaly jatay hain.hukumat k sath sath ba haisiat e zimmadar shahri k ham sab ka ya farz  banta hay kay jab bhee jahan bhee aisi koi kharabi dakhain foran us kay sad e baab k liay koshish karain apni community ya muhally k logon ko sath mila kar marboot andaaz may us ka hal talash karny ki koshish karain jahan tak mumkin ho sakay apni madad aap k tahat kaam karny

ki koshish karain or jahan hukumti idaron ki madad ki zarurat ho un say madad hasil ki jaey q k hamari  baka ki zamanat  isi may hay k ham apnay hissay ka kaam karain or hukumat apnay hissay ka.

SHEEZA PARVAIZ..!!!!