GADA GARI

Kisi se kuch mangna aur is k badlay mein koi kaam na kerna ya leker wapis na kerna bheek mangna ya gada gari kehlata hai. Pehlay zamanay mein gada gari majboor hoker ki jati thi. Koi apahich hota ya bilkul beqaar hota ya koi asa zaroorat mand hota jis ki zaroort apni mash se puri na hosaqti ya jiska koi mashi wasila na hota tou majboor hoker bheek mangta magar ajkal bheek mangnay k bohat se tareqy ijaad hogae hai. Koi ilteja ker k mangta hai, koi faryaad ker k mangta hai, koi gana ga ker mangta hai, koi saaj ya baja bajaker mangta phirta hai, koi sarangi bajaker mangta phirta hai, koi jaali apahich banjata hai, koi beyar-o-madagaar musafir ban ker mangta phirta hai, aur koi apnay mali nuqsaan ka bahana bana ker mangta hai. In mein zayada se zayada panch feesad loog asy hotay hain jo waqi haqdaar hotay hain jinhoon nay gada gari ko khandani toor per apnaya hua hai aur bohat se logoon nay isey batoor karobaar apnaya hua hai kyo k jab insaan apni gheraat ko kherbaad kehdeta hai tou usey mangnay mein koi aar kehsoos nahin hoti.

Ajkal loog itnay chalak aur hoshyaar hogae hain k unhoon nay gada gari k liye ajeeb ajeeb kisam k tareeqay apnaye hotay hain. Kae admi achay bhaly hotay hain magar zahiri taur per andhey bany hue hotay hain. Kae loog apnay app per masnooe rasha tari kerlety hain taqe loog in per tars kha ker inhein zayada se zayada pasy dein. Is k ilawa kae log masjid ya dini madarsa ka bahana banaker mangtay phirtay hain aur islam aur mazhab ka wasta deker logon se pasy batoortey phirty hain. Ye log karobari zehn se mangtay hain. Logon ko ayaat-o-hadees suna suna ker bhi pasy denay k liye inhein tayar kerlety hain. Khas tour per khawateen insey bohat jald mutasir hojati hain. Asy log bhi dekhe gae hain jo gharon mein bazahir faqeer k taur per dakhil hotay hain aur phir asy alfaaz aur jumly alpny lagjatay hain jinse wo both bary buzurg ya najoomi maloon honay lagtay hain. Is tarha wo sada loh aurtoon ko loot letay hain aur unhein bohat nuksaan pohancha detay hain. Is kisam k loog gada gari bhi kerty hain aur choori aur thagi bhi kertay hain. Is kisam k loog bohat hi khatar naaq aur jaraem pasha hotay hain. Asy log apni gharz k liye buzurgany deen aur aoliya allah ki aar leker mangtay phirtay hain.

AQSA IQBAL